Vastelaovesvereiniging Gäöl

Ich, Prins Marty d'n 1e, maog regere euver öt Gäölse Bokkeriek, dat gelaege is ônger en baove de berreg. In de tied dat ich regeer, proclemeer ich de vollegende ellef punte:

1. Dat ich mich hwoig veriërd veul de 50ste Prins van öt Gäöls Bokkeriek te maoge zin.
2. Dat Prinses Carmen mich deze regeertied ten volste moot ôngersjteune um same mét uch eine grandiose vastelaovend 2003 te viere.
3. Dat sezoen 2002/2003 buurt "Sniedersberg" hofbuurt van Gäöl is.
4. Dat eederein genuöd is in mienen tempel kaffee "'t hemelke" in Brookkaove, alwoi eederein mich en de raod van ellef op ön glaas beer ként tractere.
5. Dat aan alle heftrucks gein ôngerhoud weurd gedaon, en dat de luu de kômende daag ôrreges angers veur hun brwoit moote gaon.
6. Dat alle Geite en Bök van Gäöl, jônk en auwd zich moote verkleijje en önne gezellige vastelaovend mét väôl sjpas moote viere.
7. Dat alle kaffees en zaale in Gäöl mét te vastelaovend verseert moote zin en dat ze allein meh Limburgse vastelaovesmeziek moote drië-e.
8. Dat alle Geite en Bök öt Gäöls vastelaovesleedsje, Es de Bok neet nao de Geit geit, dan geit de Geit waal nao de Bok, oet te kop moote kénne.
9. Dat eederein mét dees daag in Gäöl moot blieve en pas nao esjsjelegoonsdig weer op vakantie maog gaon.
10. Dat zwoilang es öt noch gezellig is de kaffees neet maoge sleete.
11. Dat de hiëringe op esjsjelegoonsdig ôs pas ech sjmake es veer kenne trukkieke op önne sjieke vastelaovend in Gäöl.