Laatste mutatie:

Vastelaovesvereiniging Gäöl

Vastelaovesvereiniging Gäöl

Vastelaovesvereiniging Gäöl  
Oh yippie yeehee  
Programma  
Proclamatie  
Foto's  
Verslagen

Proclamatie 2000

Ich, Prins Peter d'n 1ste, moag regere euver öt Gäöls Bokkeriek, dat gelaege is ônger en baove de berreg. In de tied dat ich regeer, proclameer ich de vollegende ellef punte:

1. Dat ich mich hwoig veriërd veul de 47ste prins van öt Gäöls Bokkeriek te moage zin.
2. Dat alle geite en bök van Gäöl, jônk en auwd önne gezellige vastelaovend moote viere.
3. Dat eederein genuöd is in mienen tempel kaffee't Centrum in Hölse, um mich en de raod van ellef op ön glaas beer te tractere.
4. Dat de bök mét te prinses moage sjanse, en de geite mét mich moage danse.
5. Dat de buurt "Aan de Maas" mét te vastelaovesdaag hofbuurt van Gäöl is.
6. Dat de optochte good waer moote höbbe en dat öt zwoi drök langs de kant is es op öt sjtrand van Griekeland.
7. Dat mét te vastelaovend in alle kaffees en zaale allein meh Limburgse vastelaovesmeziek, mèt väöl getrômmel, gedriëjd moot waere.
8. Dat zwoilang es öt noch gezellig is, de kaffees neet moage sjleete.
9. Dat alle geite en bök zich mèt te vastelaovend moote verkleijje.
10. Dat prinses Marie-Josè mich moot ôngersjteune um same mét uch eine grandiose vastelaovend 2000 te viere.
11. Dat veer op esjelegoonsdig kènne zègke: öt waor weer önne te gekke vastelaovend in Gäöl.


Opgemaak en geteikend te Gäöl, 4 mjèrt 2000,

Prins Peter d'n 1ste.


 
Copyright © 2001-2004. 'Groeten uit Geulle' is een uitgave van de Heemkundevereniging Gäöl.