Vastelaovesvereiniging Gäöl

Ich, Prins Peter d'n 2e, moag regere euver öt Gäölse Bokkeriek, dat gelaege is ônger en baove de berreg. In de tied dat ich regeer, proclemeer ich de vollegende ellef punte:

1. Dat ich mich hwoig veriërd veul de 48ste Prins van öt Gäöls Bokkeriek te moage zin.
2. Dat Prinses Anita mich deze regeertied ten volste moot ôngersjteune um same mét uch eine grandiose vastelaovend 2001 te viere.
3. Dat sezoen 2000/2001 buurt "In De Peel" hofbuurt van Gäöl is.
4. Dat eederein genuöd is in mienen tempel kaffee "De Leunde" in Hölse, alwoi eederein mich en de raod van ellef op ön glaas beer ként tractere.
5. Dat alle Geite en Bök kénne verwachte dat hunne pos pas weer nao esjsjelegoonsdig op tied is.
6. Dat alle Geite en Bök van Gäöl, jônk en auwd önne gezellige vastelaovend mét väôl sjpas moote viere.
7. Dat alle kaffees en zaale in Gäöl mét te vastelaovend verseert moote zin en dat ze allein meh Limburgse vastelaovesmeziek moote drië-e.
8. Dat alle Geite en Bök öt Gäöls vastelaovesleedsje oet te kop moote kénne, sjus wie ich.
9. Dat eederein, zônger oetzôngering, zich mét te vastelaovend moot verkleijje.
10. Dat de Bök mét te Prinses moage sjanse, en de Geite mét mich moage danse.
11. Dat de hiëringe op esjsjelegoonsdig ôs pas ech sjmake es veer kenne trukkieke op önne te gekke vastelaovend in Gäöl.